花，愛勇敢開 花殘花謝又逢春 人，愛堅定活 氣絲不斷天命長 風，著吹走污染 空氣清新身心暢 水，著洗清垃儳 長流大地萬物生 歌，愛大聲唱 傳向懸山盤過海 路，著寬寬仔行 百年萬步新世界 獨立，是人的本質 民主，是台灣的向望

人生是啥物？我到今猶毋知 毋過我已經行佇半路 越頭閣看會著我行過ê跤步 水，寬寬仔流；人，慢慢仔老。 人生是啥物？我到今猶毋知 不過我已經行到半路 遠遠閣看會著我愛過ê山河 風，勻勻仔吹；雲，沓沓仔飛。 啊，人生無錢閣無勢，像花恬恬仔開，開佇山坑戇戇仔媠。 ...

古早，紅嬰仔若拄滿一歲，會講是「度晬」，自舊年12月12，立法院通過公投法補正了後，到今拄好滿一年。有愛好民主的人士，特別ka今年號做台灣「公投元年」。若照按呢講，咱拄煞場、鬧熱滾滾，無嫌跤酸，排隊排ka躼躼長，為著展現國家主人意志，拍死毋退，就是欲投下神聖選票，隨閣趕轉去...

「山綠水清，美麗台灣，是你是我心所愛；自由國度，平和社會，佇你佇我心肝內。FORMOSA，叫你的名，充滿喜樂充滿愛；歡歡喜喜，快快樂樂，起造美好新世界。」 這條歌是李敏勇先生寫佇《美麗島詩歌》冊內的一首詩，詩人講若是ka配Beethoven所譜寫第九號交響曲的〈歡樂頌〉，就...

嘉義行動結束，我坐莒光的落南轉去揣爸爸媽媽，這擺隨身加紮瓜笠仔轉去，yn兩个看著我的揹仔縛一頂瓜笠，攏感覺真親切。瓜笠是作穡人攏有的，媽媽講我這頂瓜笠是一輾一輾紩的，攏總紩五輾，按呢紩嘛真在，較早牽線固定的瓜笠已經真僫買。我講這頂是大姊的，伊舊年放佇阮的車頂袂記得提，就予我...

民主、民主、閣民主！「落實民主」才是「謙卑」，經過普選出來的統治者，應當尊重人民（國家主人）的意志，這款意志通常會藉著憲法展示。 自1994年起，人民作主志工為喚醒人民當家做主的意識，經過22冬街頭苦行，最後，總算ka當年貪權霸位的第二屆立委修改提懸罷免戶橂的《選罷法》，佇...

日期：20180929 地點：嘉義車頭 今仔日，咱為著欲堅持「降低修憲門檻」的理念，佇遮來集合。到底咱台灣上需要的是啥？平常時我定定呵咾咱的公約，咱的行動公約我非常的歡喜，我真贊歎它！伊的內容，是一个民主社會、民主國家的國民，上基本的素養的內涵。咱若ka讀落、ka內化、會當...

又閣拍破家己踅台灣的紀錄，來到不熟似的萬里。逐擺欲去較生份的所在，我攏會問邦先生：你有去過無？嘛順紲想一下仔過去，我家己有去過無？會按呢問，就是彼咧所在阮無做伙去過，較捷行踏了後，阮罕咧開車去𨑨迌。雖然參與活動愛定定坐bafsu去集合真忝頭，m過因為遠路恬恬行，顛倒變做一...

上蓋有志工精神的順兄 歇睏煞猶閣欲起行矣…… 講起慈悲希望愛 我所熟似的順兄志工 通講是一个模範生 領頭𤆬路跤步在 心肝溫柔意堅定 袂愛計較心胸闊 m驚困難gau忍耐 啥事攏會抾來做 任務工課走代先 路程行過無數萬 只求台灣民主順 伊 真正是　一等的 畢業生！

相思仔花謝的時 天氣真正燒熱 順兄順著馬偕牧師的腳跡 恬恬離開 花開攏嘛會謝 人生攏講短短 這咧世間由在咱行過 順兄　你做了真濟 咱予核四封存 咱予選罷法修改 咱靜坐禁食 予公投法佇舊年補正 順兄愈行愈遠 敢有聽著志工的歌聲 是台灣翠青 是台灣　是咱台灣 是　最後的徛家...