人生戇戇仔媠──送予人民作主ê志工

人生是啥物？我到今猶毋知 毋過我已經行佇半路 越頭閣看會著我行過ê跤步 水，寬寬仔流；人，慢慢仔老。

人生是啥物？我到今猶毋知 不過我已經行到半路 遠遠閣看會著我愛過ê山河 風，勻勻仔吹；雲，沓沓仔飛。

啊，人生無錢閣無勢，像花恬恬仔開，開佇山坑戇戇仔媠。 啊，人生無名又無利，像花恬恬仔開，開佇路邊戇戇仔媠。

人生是啥物？我到今猶毋知 不過我已經行到半路 越頭閣看會著我疼惜ê親人 花，愛恬恬仔開；人，愛戇戇仔媠。