降低修憲門檻──艋舺街市行踏紀實（台文）

艋舺現在叫萬華，來到萬華想萬順。

想起舊年探路時，景況日日在眼前。

今日月姊勇承擔，接下規畫好安排。

龍山寺廟來集合，和顏悅色才應該。

今日領隊詩惠兄，客氣講伊毋敢當，該伊負責伊攏知。

前年中和被圍攻，佇厝聽著掛心胸，機車騎來做先鋒。

久無見面映隆兄，遠至打狗盡孝道，今日當值真成功。

昨暝武西咱志工，送來土豆佮龍眼，講欲予咱充充充。

今日艋舺是咱兜，準時出發通人知，東去西來南北行。

青年公園歇中晝，天氣燒熱汗直流。

後勤呂姊敖鋪排，宜輝紅豆真精彩，予咱歇睏心悠哉。

湯哥無來清峰代，新莊布店通人知，少年戰到這時代。

主持分享值日知，按怎安排蓋厲害，逐家認真學起來。

淑珠帶來新志工，自我介紹為何來，小平好奇來看覓。

今日最後佇西門，逐家路口徛規排，宣揚訴求予人知。

修憲門檻來降低，符合時代才實在。

修憲門檻來降低，綴著時代才應該。