甘地輕聲細說講真理

【前言】（華文）

今天有事，無法和志工們一同走過汐止、五堵、六堵、七堵到八堵，循馬偕當年旅行布道的路線，拜訪汐止、七堵等教會，內心失落很深。但一整天，只要腦袋有空，就忍不住思念志工們行踏的隊伍，心隨之神遊去了……又想到馬偕當年布道的艱難，他是如何把自己內心信仰的真理，慢慢傳到信徒的內心的？應該是精神與念力的感召吧！

心念遊走至此，我突然想到印度聖雄甘地當年在英國求學的軼事來，這個軼事，我把它定名為〈甘地輕聲細說講真理〉，表示只要是真理，就無需大聲嚷嚷、到處嗆聲，無論馬偕或甘地皆如此，都是非武力及靜默力量的最佳典範。雖無法行踏，卻也心有所感，就以台文為媒介，跟志工兄弟姊妹們一起分享吧。

【甘地輕聲細說講真理】（台文）

當年，印度的「聖雄」甘地佇倫敦大學讀法律系的時，有一位名叫做「petter」的白人教授，夭壽討厭伊。

有一工，當當「petter」教授佇飯廳食中晝頓的時，甘地真大範行倚來，提伊的盤仔坐佇伊的隔壁。

「petter」教授馬上講：「甘地先生，你敢無了解，一隻豬佮一隻鳥仔是袂當坐做伙食物件的。」

甘地就以一个爸母的眼光，親像對待一个粗魯、無禮的囡仔仝款，掠「petter」教授看一下，然後真平靜的答覆講：「教授，你毋免擔憂啦，我馬上就會飛離開矣。」紲落去，伊就隨坐去另外一張桌仔矣。

當場，「petter」教授是氣甲規面紅記記，面腔誠歹看，決定採取報仇的行動。

第二工，伊佇班裡，當同學的面，問甘地講：「甘地先生，若準你沿一條街路散步的時，發現路邊有一个包裹，內底有兩个袋仔，一袋貯智慧，另外一袋貯金錢，你干焦會當選一袋，你會提佗一袋？」

甘地攏無躊躇，一聲就回答講：「當然是提有金錢的彼袋啊！」

「petter」教授看著機會來矣，一句話三角六針，就笑伊講：「若準我是你，會提有智慧的彼袋！」規班的同學攏笑甲強欲跋跋倒。

毋過，甘地干焦共肩胛頭小動一下，笑笑仔回應講：「每一个人攏應該提伊無的物件！」

到遮來，「petter」教授完全無還擊之力，佇掠狂的當下，就佇甘地的考試卷面頂寫「白癡」兩字，紲落去，就共考試卷交予甘地。

甘地提著考試卷了後，沓沓仔行轉去家己的座位坐落來，盡力克制情緒佮保持冷靜，同時，誠認真思考，下一个正確的動作。

幾分鐘後，甘地徛起來，大範行到教授面頭前，用真有尊嚴閣有禮貌的語調，回應講：「petter教授，你佇我的試卷面頂簽名矣，毋過，你猶未共我拍分數！」