佇檨仔落落來ê時陳秀枝2015年5月22日讀畢需時 1 分鐘 佇中興ê花園新城行踏 沿路ê檨仔落落來 好佳哉無摃著頭殼 若摃著頭殼 嘛無外國科學家ê頭腦 通發明「萬有引力」 毋閣 一粒一粒ê檨仔落落來ê時 我想起中興ê花園新城 有一排一排ê檨仔樹圈起來 有一粒一粒ê檨仔做檨仔青 彼種檨仔味湠出來ê感覺 永遠保存佇腦ê倉庫內底 一欉一欉ê檨仔 恬恬徛佇路邊 春夏秋冬 攏有無仝ê風景 咱一个一个徛出來 佇土地ê畫布頂頭 劃出一筆一筆白白ê色彩 落落來爆開ê檨仔 嘛來鬥幾仔點金黃 #陳秀枝
