《出頭天進行曲》　曲／蕭泰然　詞／許丕龍

​

咱欲出頭天，咱欲出頭天，有一日欲出頭天。

四百年來外邦統治，獨裁專制無公義；

民主先賢犧牲拍拚，自由國家今建立。

​

咱欲出頭天，咱欲出頭天，有一日欲出頭天。

美麗島內民主實施，司法公正順公理；

人人守法自由平等，正名制憲著及時。

​

咱欲出頭天，咱欲出頭天，有一日欲出頭天。

台灣同胞堅心決志，咱的前途靠自己；

族群合一目標一致，獨立建國出頭天。

​

【註】今 tann，現在。及 ki̍p。欲 beh， 想要。