《最後的徛家》　原詞／馬偕　台文／林鴻信　曲／何嘉駒

​

我全心所疼惜的臺灣啊！我的青春攏總獻予你；

我全心所疼惜的臺灣啊！我一生的歡喜攏佇遮。

我佇雲霧中看見山嶺，對雲中隙空，觀望全地；

波瀾大海，遙遠的對岸；我意愛佇遮，眺望無息。

 

我全心所疼惜的臺灣啊！我的青春攏總獻予你；

我全心所疼惜的臺灣啊！我一生的歡喜攏佇遮。

向望我人生的煞尾站，佇大湧拍岸的響聲中，

佇竹林搖動的蔭影內，揣著一生最後的徛家。

​

我心袂當割離的臺灣啊！我的人生攏總獻予你；

我心袂當割離的臺灣啊！我一世的快樂攏佇遮。

 

 

【註】1.佇遮 tī-tsia，在這裡。2.隙空 khiah-khang，空隙；觀望 kuan-bōng。3.波瀾 pho-lân，大的波浪。4. 予 hōo，給；搖動 iô-tāng。5.息：也寫做「煞」 suah；無煞，無停。6. 揣 tshuē，尋找；蔭影 ìm-iánn。7.徛 khiā，徛家，指住家。8. 袂當 bē-tàng/buē-tàng，不行、不能夠。9.一世  it-sè，一輩子。