《菅芒花》　詞／許丙丁　曲／鄧雨賢

​

菅芒花白無芳，冷風來搖動，無虛華無美夢，啥人相疼痛。

世間人錦上添花，無人來探望，只有月娘清白光明，照阮的迷夢。

​

菅芒花白無味，生來毋著時，無玉葉無金枝，啥人會佮意。

世間事鏡花水影，花紅有了時，只有風姨溫柔搖擺，顧阮的腰枝。

​

菅芒花白文文，出世在寒門，無美貌無青春，啥人來溫存。

世間情一場幻夢，船過水無痕，多情金蛄來來去去，伴阮過黃昏。