《阿爸的風吹》　詞曲／鄭智仁

 

阮阿爸教阮來做風吹，

伊講你敢知，咱人生親像風吹按呢飛，

飛啊飛，風愈大愈懸，有時會飛入雺霧中，

飛啊飛，風愈大愈懸，有時會予風來騙毋知。

 

阮阿爸𤆬阮去放風吹，

伊講有一工，你若會親像風吹按呢飛，

飛啊飛，愈飛愈懸，看著的物就愈袂清，

飛啊飛，愈飛愈懸，毋通袂記線的起頭彼雙手。

 

風吹啊飛，風吹啊飛，飛過阮細漢一直有的夢，

風吹啊飛，風吹啊飛，飛過阮懵懂的夢。

 

【註】1. 按呢 án-ne：這樣，如此。2. 雺霧 bông-bū：大霧、霧氣。3.愈jú：越。4.𤆬 tshuā：帶著。5.懵懂 bóng-tóng：無知、不明事理的樣子。